ວັນທີ 17 ຕຸລາ 2025 ໄດ້ຈັດພິທີເປີດຢ່າງເປັນທາງການ ຂອງຕົວແທນຈໍາໜ່າຍລົດຈັກ YAMAHA ສາຂາໃໝ່ ທີ່ ຮ້ານຖາວອນມໍເຕີ້ ບ້ານພູຄູນ ນະຄອນປາກເຊ ແຂວງຈໍາປາສັກ
ໂດຍການໃຫ້ກຽດເຂົ້າຮ່ວມຂອງ ທ່ານ ປອ.ສຸກສະຫັວນ ວິໄລວົງ ຮອງເລຂາພັກແຂວງ ຫົວໜ້າພະແນກການເງິນແຂວງ, ທ່ານ ປອ.ວັນນະໄຊ ຊາດຕະກຸນ ຫົວໜ້າພະແນກວັດທະນາທໍາ ແລະ ທ່ອງທ່ຽວແຂວງ, ທ່ານ ຄໍາ ນິລາວົງ ຫົວໜ້າພະແນກກະສິກຳ ແລະ ສິງແວດລ້ອມແຂວງ, ທ່ານ ປະສາດໄຊ ພິລາພັນເດຊ ປະທານ ບໍລິສັດ ເຄພີ ຈຳກັດ ພ້ອມຄະນະ, ທ່ານ ນາງ ລັດດາວັນ ຊາຕະກຸນ ຜູ້ອໍານວຍການ ຮ້ານ ຖາວອນມໍເຕີ້. ມີບັນດານັກທຸລະກິດ, ຜູ້ປະກອບການ ແລະ ໜ່ວຍງານທີ່ກ່ຽວຂ້ອງ ເຂົ້າຮ່ວມ.
ທ່ານ ປະສາດໄຊ ພິລາພັນເດຊ ປະທານບໍລິສັດເຄພີ ຈຳກັດ ກ່າວວ່າ
“ການເປີດສາຂາໃໝ່ນີ້ ເປັນສາຂາທີ 28 ຂອງຢາມາຮາໃນປະເທດລາວ ແລະ ເປັນອີກກ້າວທີ່ສໍາຄັນຂອງການຮ່ວມມືລະຫວ່າງບໍລິສັດເຄພີ ຈຳກັດ ແລະ ຮ້ານຖາວອນມໍເຕີ້ ເພື່ອສົ່ງມອບລົດຈັກທີ່ມີຄຸນນະພາບ ແລະ ບໍລິການທີ່ດີທີ່ສຸດໃຫ້ແກ່ລູກຄ້າໃນແຂວງຈໍາປາສັກ.”
ເຊິ່ງເປັນອີກກ້າວໜຶ່ງທີ່ສໍາຄັນ ໃນການຮ່ວມມືລະຫວ່າງບໍລິສັດເຄພີ ຈຳກັດ ແລະ ຮ້ານຖາວອນມໍເຕີ້ ທີ່ມີຈຸດມຸ່ງໝາຍໃນການພັດທະນາທຸລະກິດ ແລະ ສົ່ງມອບຜະລິດຕະພັນທີ່ມີຄຸນນະພາບໃຫ້ແກ່ປະຊາຊົນຢ່າງຕໍ່ເນື່ອງ.
